Noh und fean

Von: Doris Leeb | 2. Juli 2020, 10:54

Heast mi?
Heast mi ned?
Host mi?
Host mi gheat?
Host mi gean?
Ge hob mit gean...
Ge, du konnst mi gean hom.

Kim a weng zuawa!
Ge weida!
Ge hea!
Ge hoid hea.
Hoid mi fest...
Hoid mi..
Hoit!
Ned so fest.
So.
Jo so is guad.
Guad is.
Oiso.
Oiso guad.
Iaz is owa guad.

Kost wieda geh.
Kost wieda weida geh.
Geh na weida.
Iaz geh weida.
Nu weida!
Nu!
Nu!
Nuhu!
Na oiso.

Na.
Na ned..
Na ned rean..
Wead scho wean!
Na ned rean..
Na ned..
Na.
Wead scho ned gfrean.
Doamas liawa eina, d'Tomatn.

Ge rea do ned.
Brauchst a dead ned rean!
Wonn des do ondan hean...
Bringt jo nix des rean.
Do muas i jo glei mitplean..
Ois in Scheam..
Iaz muas i a rean..
Na des wead wos wean!
Ob des wieda wiad?

O geh duast ma.
Gehst ma scho o...
Oba gscheid.
Gescheid gehst ma o.

Najo.
Wead scho wean.
Iaz heama auf zun plean!
Moast weads heit Nocht gfrean?

Übersicht:
Entfernt verbunden - Simulation eines Austausches