Wie wird's im Jenseits sein?

Von: Lisa Mut | 10. Jänner 2025, 19:57

Resi telefoniert: Grüaß di, Katl. I bin's, die Resi. ... Wia's war? I war net. Oba die Anna-Tant hat dazählt ... A scheine Leich, so vü Leit, so vü Blumen, so vü Kränz. ... Die Leit habn Rotz und Wasser greahrt - sogar die Männer. ... Was sagst? Red lauter ... Warum da Karli so jung hat sterben müssen? Was fragst'n des mi? ... Was hast gsagt? Wia's eahm jetzt geht? Wos a eppa tuat? Glabst er sitzt auf ana Wolken und tuat Harfen spüln? Wos moanst? ... Na, i wollt mi net lustig mochen. I wollt nur wissen ... Wos, du a? Jo, i wollt schon immer wissen, wos drüben los is. Lied:
1. Vüle Frogn bleibm ohne Antwort - kana kann an Auskunft gebm. Wia ia deis, wenn ma's Zeitliche segnet - und wia wird's im Jenseits sein. Und solang ma nix Genaues waß, wia deis is mit Seele und mit Geist ... wia's do drüben sein wird, bleibt a dumpfe Angst. 2. Von ana Reinkarnation is do die Reid, doch Beweise gibt es dafür neit. Deis is nur a Wunschdenken von vün, die so ihr ewigs Lebm vaspün. Wäu es steht jo genau in Gottes Wort: Es is uns bestimmt a m o i zu sterbm, und danoch miaß ma im Gericht Rechenschaft fir unsa Leben geben. 3. Deis Lustigste is oba a Erfindung, mit der ma in die Leit's Göd außaziagt: Es gabat a fiktives Fegefeuer, wo dei Sö nochn Sterbm gereinigt wird. Du brauchst dir nur an Ablass kafn, damit die Sö von durt wieda außaspringt. Fir dei is Gott a korrupter Folterer, der si von uns mit Göd bestechn losst. 4. Oba Jahwe, der lebendige Gott, hot si uns zagt als Menschensohn, der söba unsa Strof auf si gnumman hot - und hot am Kreiz mei Schuld völlig bezahlt. Drum braucht ka Mensch mehr in die Höll, der Jesus in sei Leben aufnimmt. Deis Sterben is dann nur a Heimgang - Jesus selber führt di ins Paradies. 5. Wia deis is, wenn Gottes Kinder sterben, kann ma wissen aus die Evangelien. Neamb und nix kann uns von Jesus trennen. Er haltet fir uns Wohnungen bereit. Unser Körper wird ganz neu auferstehn, perfekt - von Sünden frei und rein. Gleich wia Jesus werdn ma amol leben, ba eahm in ew'ger Herrlichkeit.

Übersicht:
Track 5' - Das wollte ich schon immer wissen